ինքն-ա-օգնում

Գլխավոր թիմը պարտության շղթաներ ա կրում. — Ժամանակն է՝ փոխել սիրած թիմը:

Քառապատիկ շրջանցում: — Բեկոնը մյուս չիզբուրգերի մեջ չդնես:

Պոեմները սկում են: — Ամենափոթորկոտ օրերից հետո արևը դուրս ա գալիս ամպերի ետևից կամ՝ առաջ գոնե էդպես էր:

Ամուսնությունը տապալվում ա: — Ընդմի՛շտ Կոկա-Կոլա:

Ընտրությունները սխալ են ընթանում: — Տշի՛ չստերդ, խորը շո՛ւնչ քաշի, եղի՛ր հիմա այստեղ:

Շեֆդ ասում ա՝ հո՛ւպ տուր աշխատանքիդ: — Երկար տաք լոգանքը փափկացնում ա կնճիռները:

Պատերազմի զոհերի թիվը հասնում ա 100,000-ի: — Ուղե՛ղդ անջատի՛, միացրո՛ւ ռիալիթի շոու:.

Թանգ Վու Չին գետի՝ լոբստերով ու ոստղեի քաղցր սոոուսով հավդ դեռ չեն մատուցել, իսկ մնացած բոլորն ստացել են իրենց պատվերները քսան րոպե առաջ: — Անո՛ւշ արա մատուցողին, քե՛ֆ արա՝ խժռի՛ օբյեկտը:

Մետրոն հեղեղված ա՝ լսումից ուշացար: — Դարձի՛ սեփական պիեսի հեղինակ: Մա՛ն արի:

Սայթաքեցիր սառույցին՝ կոտրեցիր ձեռքդ: — Նման պահերին ա արժևորվում կյանքի գինը:

Աշխատավարձը նվազեցրել են ոչ-արհմիութենական խանութում: — Դու վաճառքի մասնագետ ես, ոչ՝ բանվոր. հպա՛րտ եղիր՝ ընկերության մասը լինելու:

Բաց թողեցի՞ր գնացքը: — Հրաշալի հնարավորություն՝ ուսումնասիրելու կայարանը:

Ինքնասպան ռմբարկուն ավիրում ա թաղդ: —  Միասնական լինելու ժամանակն ա:

Ոչինչ չես անում: — Դադա՛ր վերցրու:

Կյանքիդ ընկերը ուրիշ զուգընկեր ա գտնում: — Հիմա կարող ես ուղիդ նորից սկսել:

Ճաղա՞տ ես: — Վերջապես կարող ես երկնքին դիպչել կատարովդ:

 Հիշողությունը շանթում ա: — Հին հուշերն ամենաքաղցրն են:

Հարդ դրայվդ սատկում ա՝ վեպդ չես պահել: Ոչինչ չի համեմատվի թարմ մեկնարկի հետ:

Ուժեղ ստամոքսացավեր՝ առավոտյան: — Արա՛, «Որսորդություն» ամսագրի հին համարներն էս ի՛նչ կլանիչ են:

Փեսադ երկրորդ տարին բոլորում ա կոմայում: — Ավելի հանգստացած տեսք ունի, քան երբևէ:

35 000 տուգանք՝ կիրակի օրը բնակելի տան դատարկ փողոցում կայանելու համար: — Քաղաքին փող ա պետք՝ մեզ պաշտպանելու ու մեր երեխեքին կրթելու համար:

Բաց թողեցիր առեղծվածային սպանությունների սիրածդ սերիալի վերջին սերիան, որտև ընդունիչը սխալ էիր ծրագրել: — Գրի՛ սեփական ավարտը:

Փոթորիկն ավիրում ա տունդ: — Երբևէ էսքան տոկուն չես եղել:

Կապույտ քաշմիրե սվիտրդ ցեցը երեք տեղ կերավ: — Ինչպիսի՛ կայֆ բլուզ:

Որդիդ միանում ա «Հրեաներ՝ հանուն Քրիստոսի» սափրագլուխ հրոսակին: — Դե՛, գոնե իր երջանկությունն ա փնտրում:

Նոր պիեսդ ջախջախիչ ակնարկներ ա ստանում ու փակվում ա՝ առաջին երեկոյից անմիջապես հետո: — Ինչպիսի՛ փառահեղ կատարում:

Բարկ գարշահոտությամբ բոմժ՝ մետրոյում, հացի փող ա մուրում: — Ինչպիսի՛ բարություն նրա աչքերում, մինչ ես ուղղվում եմ դեպի տուն:

Թոշակի խնայողությունները կորսված են «Էնրոն»-ի ու «Ուորլդքոմ»-ի վրա ներդնելիս: — Գրեթե մի հանգի են:

Նավթի արտահոսքը սպանում ա փոկերին: — Անքննելի՛ են Տիրոջ ուղիները:

Գլոբալ տաքացումը ճահճացնում ա հողազանգվածները: — Սովորի՛ ընդունել փոփոխությունը:

Սխալ ուղղությամբ արագ ընթացող հեծանիվը քեզ վրա երթում ա: — Ընդամենը երկու շաբաթ պառկեցիր, ինչպես և բժիշկն էր ասել:

 ՁԻԱՀ-ը մոլեգնում ա Աֆրիկայում: — Արդյոք Ջեֆրի Ռայթը փայլո՞ւն չէր «Ամերիկայի հրեշտակներ»-ում:

Խլացուցիչ կրակոց: — Մի հրաշալի՛ պիցայանոց կա խանութի մոտ:

Եկամուտների միջև բացակը դարձել ա խառնարան: — Հարստանալու լա՛վ հիմնավորում:

Աբու Ղրեյբում գերիներին խոշտանգում են: — Ե՛կ ընդունենք՝ քաքը պատահում ա:

Օսկարը Էմմի ա ստանում: — Մրցանակաբաշխությունները բոմբ շոուներ են:

Էֆ-Բի-Այը ստուգում ա՝ ինչ գիրք ես վերցրել գրադարանում: — Նաև գրքեր եմ ես խորհուրդ  տալիս Ամազոնում:

Նույնասեռական ամուսնությունները մերժվում են: — Ո՞ւմ ա պետք պետությունը՝ մեր սերն օրհնելու համար:

Նախագահի ստերը զինվորներ են սպանում: — Նա այնքան հավատարի՛մ ա իր արժեքներին:

Ինքն-ա-օգնում: —Ուրիշի խորտակում:

— Չարլզ Բերնշթայն, 2007


Read More

a song for spring

…so she be cold water
and you be clay
formless fluid
and self-affirmed prey —

vessel, mesmerize!

adorn firmness of your walls!

sea of patience, shower memory!

misgiving, encompass cells of perishing soil!

flawless liquid, wash cracks and gaps 
caused by winds 
of something called ardor!

harbor cliffs of habitude,
shatter shapes of flower fragile spring —
blue yellow red buds of tender, rage, sour taste 
of impromtu adoration!


all the same stubborn blaze 
once again an arrogant ether 
will osculate the soil 
early March morning 
dressed in artless air
stop sign for good sense 
garland of hopes 
for bees and bears from nearby wood —
not many of them left,

will gather a nectar 
ceasing to fall apart 
in times of healing drought
out of humidity 
into millions of shatters —
anemic, lackluster…

it will glue back together
precious little quotes 
once written on backs of tablets —
bestowed to uncertainty

the fear of self-regarding gaze —
a summoning monster

will melt

time burdened and disarray.

ինչպես եմ լեզուներ սովորում

բառեր կան
որ օգտագործելիս
սիրեկանների կանանց 
հոտն ես առնում
hilarious-ը սովորեցի 
առաջին սիրուս 
մեկնաբանություն արած
իր ընկերուհի 
ամերիկառուս Լենայից

հիմա,
որ hilarious եմ ասում,
լսում եմ՝
Լենա՛
սիրո՛ւն Լենա
անհո՛գ Լենա
զվա՛րթ Լենա
աշխարհը քո՛նն ա, Լենա

Երևան- Փարիզ-Պոզնան-Բեռլին-Լոնդոն-Դուբլին-Բոստոն-Պեկին

չվացուցակների արանքում
ես քեզ գրկում եմ
դու գնում ես
Երևան-
Փարիզ
Պոզնան
Բեռլին
Լոնդոն
Դուբլին
Բոստոն
Պեկին
թռիչքների միջև
դատարկ ժամերին
ես քեզ գրկում եմ
դու գնում ես
հեռու
շուտով
ընդմիշտ
կրկին
սպասման սրահներում
ես քեզ գրկում եմ
դու գնում ես
Մասթեր
Փի-էյջ-դի
գործով
Կանադա
ձերոնց մոտ
մարդի
մաքսազերծված ալկոհոլի
լուսավոր սրահում
ես քեզ գրկում եմ
դու նայում ես
հրավեր տվողին նվեր
օղի
վիսկի
վիսկի
օղի
հարկերի արանքում
կորած ծխասենյակում
ես քեզ գրկում եմ
չինացու
հնդիկի
մեքսիկի
կողքին
աթոռին
անցակետերում
ես քեզ գրկում եմ
դու թողնում ես
կոշիկ
գոտի
նոթբուք
հոգի
բոռդինգի ցուցանակի մոտ
ես քեզ գրկում եմ
դու կպնում ես վայֆայի
Զվարթնոց-փաբլիք
Փարիզ էյռփոռթս
կապ չկա երևի
ինքնաթիռի մոտ
ես քեզ գրկում եմ
մի պահ
շուտով
ընդմիշտ
կրկին

իկարուս

սատինե թևեր

գոլդից թևեր

պլաստիկ թևեր

մոմե թևեր՝

արագ թրջվող

կարճացող

դյուրաբեկ

բռնկվող

տրամադրության

հին հուշատետրի

թխվածքեղենի դատարկ

ու փոքրի տուփի

երբեք չբացվող մեծ լուսամուտի

անկոչ միջատների

գազի վճարման

փոշոտ հուշաթղթի

չհագած

ու փոքրացած

մանկական շորերի

կորած շան թոկի

98 թվականի

«Թիվի փառք» ամսագրի

դեղնած էջերի

թանկանոց տետրերի

Բաբիկ-Բիրքինոց 

համեղ տորթերի

Պիոներ պալատի վոկալի սենյակի

լարից ընկած դաշնամուրի

տաքսում թողնված տեսախցիկի

Հրապարակի եզրին որսած համբույրի

2006-ի մայիսին

կարմիր Տոյոտայում տարած հաղթանակի

գազարով, խնձորով

ժամկետանց հյութի

գույնի ու համի

բարակ փետուրներ



Հեղափոխությունը չի՛ հեռարձակվի

[Նվարդի համար]

 

Չե՛ս կարողանա տանը մնալ, եղբա՛յր:

Չե՛ս կարողանա շտեպսելը խոթել, միացնել ու անջատվել:
Չես կարողանա ինքդ քեզ կորցնել՝ դեղով ու ցրվելով,
Թռնելով գարեջրի հետևից՝ գովազդի ընթացքում,
Որտև հեղափոխությունը չի՛ հեռարձակվի:

Հեղափոխությունը չի՛ հեռարձակվի

Հեղափոխության հովանավորը Քսերոքսը չի՛ լինի՝
ցուցադրելով 4 մասով՝ առանց գովազդային դադարների:
Հեղափոխությունը քեզ ցույց չի՛ տա Նիքսընի նկարները
շեփոր փչելիս՝ Ջոն Միթչելին, գեներալ Աբրամզին

ու Սփիրո Էգնյուին տանելով խոզի ստամոքս ուտելու՝
առգրավված Հարլեմի ապաստարանից:
Հեղափոխությունը չի՛ հեռարձակվի:


Հեղափոխության հովանավորը չի՛ լինի
«Շեֆեր մրցանակային կինոթատրոնը», գլխավոր դերերում չե՛ն լինի Նաթալի
Վուդզն ու Սթիվ Մըքուինը կամ՝ Բալվինքըլն ու Ջուլիան:

Հեղափոխությունը բերանդ սեքսոտ չի՛ դարձնի

Հեղափոխությունը չի՛ ազատի դնչիդ մազերից:


Հեղափոխությունը հինգ ֆուտով քեզ չի նիհարեցնի,
որտև հեղափոխությունը չի՛ հեռարձակվի, Եղբա՛յր:

Չեն լինի քո ու Ուիլի Մեյի նկարները

այդ վաճառասայլակը թաղում հրելիս՝ գժական վազքով

կամ՝ գունավոր հեռուստացույցը մտցնել փորձելիս

շտապօգնության գողացված մեքենայի մեջ,
Էն-Բի-Սին չի կարողանա գուշակել հաղթողին 8:32 րոպեին
կամ՝ հաղորդել 29 մարզերից
Հեղափոխությունը չի՛ հեռարձակվի:

Չեն լինի պատկերներ, ուր մլիցեքը խփում են
եղբայրներին՝ միանգամից վերահեռարձակվելով:

Չեն լինի պատկերներ, ուր մլիցեքը խփում են
եղբայրներին՝ միանգամից վերահեռարձակվելով:

Չե՛ն լինի պատկերներ, ուր Ուիթնի Յանգը

փախչում ա Հարլեմից՝ լրիվ նոր վագոն ունեցող գնացքով:  

Չի՛ լինի դանդաղ ընթացող վիդեո կամ նատյուրմորտ,
ուր Ռոյ Ուիլքենզը թափառում ա Ուաթսում՝ Կարմիր, Սև ու
Կանաչ ազատագրական կոմբինեզոնով, որ ինքը պահում էր
հարմար առիթի համար:


Գրին Էյքըրզը, «Բեվերլի Հիլզի գեղցիներն» ու «Հութերվիլի
հանգույցն» էլ էդքան կարևոր չեն լինի, իսկ
կանանց վեջը չի լինի՝ Դիքը վերջը

միացա՞վ Ջեյնի հետ «Փնտրելով վաղը»-ում, որտև Սևերը
կլինեն փողոցում՝ ավելի պայծառ օրը փնտրելով:
Հեղափոխությունը չի՛ հեռարձակվի:


Չե՛ն լինի հատուկ նշումներ՝ 11-ի
նորություններում, և մազոտ զինված կին

ազատագրողների կամ՝ քթերը քաշող Ջեքի Օնասիսի պատկերներ:
Սաունդթրեքը չի՛ գրի Ջիմ Ուեբը,
Ֆրենսիս Սքոթ Քին, չի՛ երգի Գլեն Քեմբըլը, Թոմ Ջոնսը
Ջոնի Քեշը, Էնգըլբերթ Համփերդինքը կամ Ռեյր Ըրթը:
Հեղափոխությունը չի՛ հեռարձակվի:

Հեղափոխությունը չի՛ շարունակվի
սպիտակ տարափի, սպիտակ կայծակի կամ սպիտակ մարդկանց մասին

հաղորդումից անմիջապես հետո:
Կարիք չի լինի՝ անհանգստանաս աղավնու համար՝
ննջարանումդ, վագրի՝ տանկումդ կամ հսկայի՝ զուգարանակոնքումդ:


Հեղափոխությունը Կոլայի հետ ավելի լավը չի՛ դառնա,
Հեղափոխությունը չի՛ պայքարի մանրէների դեմ,

որ վատ շնչառություն են առաջացնում:
Հեղափոխությունը քեզ վարորդի տեղը կնստեցնի:

Հեղափոխությունը չի՛ հեռարձակվի, չի՛ հեռարձակվի,
չի՛ հեռարձակվի, չի՛ հեռարձակվի:
Հեղափոխությունը չե՛ն կրկնի, եղբայրնե՛ր,

 

Հեղափոխությունն ուղիղ միացումով կլինի:

image

— Գիլ Սքոթ-Հերոն

http://www.youtube.com/watch?v=rGaRtqrlGy8

Գրկախառնում

գիտես կարի սրահի հնարքը

փաթաթիր ձեռքերդ սեփական մարմնի շուրջ

ու հետևից կթվա, թե 

մեկը գրկել է քեզ 

նրա ձեռքերը բռնել են վերնաշապիկդ

եղունգները խաղում են վզիդ հետ

առջևից ուրիշ պատմություն է

երբևէ այդքան միայնակ տեսք չես ունեցել

խաչված արմունկներդ ու կեղծ քմծիծաղդ

կարող էիր դերձակի սպասելիս լինել

որ քեզ հարմար բաճկոն հագցներ

մեկը, որ իսկապես  պինդ-պինդ կգրկեր

image

Read More

կամոն, բաղրամյանը, ծոմակն ու ոստիկանը

նախագահն ժպտացող ոստիկան ա

սովետական համազգեստով

դուրս ա եկել զբոսնելու

դատարկ

բաղրամյանով 

զարմացած

բարի հայացքով

նայում ա ծոմակին, որ կանգնած ա

կամոյի կանգառում

հետևից հայտնվում են

լիքը-լիքը

ուրիշ ոստիկաններ

ու փոքրիկ, կոկիկ

նախագահն

մոլորված 

չի մոտենում

փողոցն անցնում

կանգնում ա մայթեզրին

ու էն պահին, երբ պիտի սկսվի շքերթը

երևի շքերթը

ամեն ինչ շատ լուռ ա

ու հանդիսավոր

ոստիկանները շարված են

մեքենա չկա

ծոմակն անցնում ա

նախագահի դիմացով

ուսին մեծ մուրճ

փչովի

վարդագույն

վախեցած փնթփնթում ա

քթի տակ

ինչ-որ բան

ու անցնում-գնում ա


ու ոչինչ չի փոխվում

փողոցը նույնքան լուռ ա

ու հանդիսավոր

ոչ ոք չի զարմանում

 

 image

սիրտս սիգի իկրայա ուզում

ասում ա նվարդը

իսկ իմ սիրտն ուզում ա,

որ իրան ուտեն

պատառ-պատառ

անմնացորդ

մինչև վերջին մազանոթը

մեջ անեն

ջնջեն մարմնի քարտեզից

հում-հում

աղով

բիբարով

սոխով

թարս

թե ճիշտ

բուսնած խիարով

բաստուրմա դրած

տապակած

թե հում

մեկ ա

մենակ`

մարսեն

արյան համը

դառնաքաղցր

 

 image

 

Օրորոցային


սարդում եմ

 ս-ով սկսվող ինչ-որ բան…
գծավոր

կոնֆետի

թաթերով

սարդմարդը

գալիս ա
մեղմորեն

իրիկնամուտի նշույլի միջով
ճողոպրելով

երանելի մեռյալների

լուսամուտների մոտով
փնտրելով

անկողնում դողացող զոհին
վախ որոնելով
խտացող մթին

 ու մեկ էլ
հանկարծ՝
ինչ-որ շարժում

սենյակի անկյունում
ու ես ոչինչ չեմ կարող անել
երբ սարսափած գիտակցում եմ՝

սարդմարդն ինձնո՛վ ա էսօր ընթրելու

մեղմորեն ծիծաղում

շարժում ա գլուխը
մոտ ա սողում

այժմ
ավելի մոտ

անկողնու փեշին
ավելի փափուկ

քան ստվերն

ավելի արագ

քան ճանճերը
նրա թաթերն իմ շուրջբոլորն են

լեզուն

աչքիս մեջ
«հանդա՛րտ եղիր

հանգի՛ստ եղիր

լո՛ւռ եղիր

հիմա

իմ թանկագին տղա
էդպես մի դիմադրիր

թե չէ

քեզ է’լ ավելի շատ կսիրեմ

քանզի շատ ուշ ա արդեն՝

հեռու փախչել

կամ

լույսը միացնել՝

սարդմարդը քեզնով ա էսօր ճաշելու

ու զգում եմ, որ ինձ ուտում են 
հազար միլիոնավոր

դողացող

մորթե անցքեր
ու գիտեմ՝ առավոտյան,

կարթնանամ
սառը քրտինքով

իսկ սարդմարդը միշտ սոված ա…

«Համեցի՛ր իմ տուն», - սարդն ասաց ճանճին… «Մոտս մի բան կա…» 

Lullaby

I spy something beginning with s…

 

on candystripe legs the spiderman comes

softly through the shadow of the evening sun

stealing past the windows of the blissfully dead

looking for the victim shivering in bed

searching out fear in the gathering gloom and

suddenly! 

a movement in the corner of the room! 

and there is nothing i can do 

when i realize with fright 

that the spiderman is having me for dinner tonight!

 

quietly he laughs and shaking his head 

creeps closer now 

closer to the foot of the bed 

and softer than shadow and quicker than flies 

his arms are all around me and his tongue in my eyes 

"be still be calm be quiet now my precious boy 

don’t struggle like that or i will only love you more 

for it’s much too late to get away or turn on the light 

the spiderman is having you for dinner tonight”

 

and i feel like i’m being eaten 

by a thousand million shivering furry holes 

and i know that in the morning i will wake up 

in the shivering cold

 

and the spiderman is always hungry…

 

"Come into my parlour", said the spider to the fly… "I have something… "

ինձ անուս ծեր կինն ասաց

որ ուրախ ա նստել
որ ոտքերը ցավում են՝ չնայած դեղին
որ ժամանակները հեչ լավը չեն
որ ամուսինը մահացել ա
համարյա 30 տարի առաջ

որ կռիվը շատ բան ա փոխել
որ նոր տերտերը աշակերտի տեսք ունի
ձայնը հազիվ ա լսվում

եկեղեցում
որ խոզերն ավելի լավ ընկերներ են, քան ասենք, այծերը
որ ոչ ոք չի կարող նրան խաբել
որ երկու որդիներն էլ պսակվել են
ապուշ կանանց հետ
որ փեսան կամազ ա քշում.

նա մի անգամ ինչ-որ բան ա
փոխադրել
նախագահական

որ բնակարանը 7-րդ հարկում ա
ու դրա մասին մտածելիս

գլուխը ֆռում ա
որ նա իրեն նվերներ էր բերում սև շուկայից
որ զարթուցիչն իրեն չի օգնում
որ այլևս չի կարում գնալ-գալ քաղաք
որ բոլոր ընկերները մեռել են
որ պետք ա զգուշանամ սնկերից
որ ուրվականները երբեք չեն գալիս մի տուն
ուր խնկունու շիվ կա

կախ տված
որ կինոն հիմար գյուտ ա
որ էսօրվա պարերը մի բանի պետք չեն
որ իրա մարդը սիրուն ձայնով էր երգում, մինչև խմելով
վարի չտվեց
որ պատերազմը շատ բան ա փոխել
որ ինքը տեսել ա քարտեզի վրա, թե կռիվը որտեղ ա եղել
որ Հիթլերը հիմա հաստատ դժոխքում ա
որ երեխաներն ավելի թշոտ են, քան երբևէ
որ ձմեռը ցուրտ ա լինելու, կարելի ա իմանալ
ծտերի բույների բարձունքից
որ հիմա նույնիսկ աղն ա թանկացել
որ երկար կյանք ա ապրել
ու չի վախենում մեռնելուց.


որ ժամանակները հեչ լավը չեն:

-Քրիստոֆեր Րիդ

image

Read More

աղոթք Պերսեփոնեին

եղի՛ր նրա համար, Պերսեփոնե

այն ամենն, ինչ ես չկարողացա լինել.

վերցրու նրա գլուխը

դիր ծնկներիդ

նա, ով այդքան հպարտ ու վայրի աղջիկ էր

շաղակրատ, 

գոռոզ ու ազատ

նա, ով կարիքս չուներ

միայնակ փոքր բալիկ ա

մոլորված

դժոխքում,

Պերսեփոնե

վերցրու նրա գլուխը

դիր ծնկներիդ

ասա նրան.

Սիրո՛ւն ջան

անո՛ւշ ջան

էդքան ահավոր չի

էստեղ:


Էդնա Սենտ Վինսենտ Միլլեյ

Prayer To Persephone

Be to her, Persephone,
All the things I might not be;
Take her head upon your knee.
She that was so proud and wild,
Flippant, arrogant and free,
She that had no need of me,
Is a little lonely child
Lost in Hell,—Persephone,
Take her head upon your knee;
Say to her, “My dear, my dear,
It is not so dreadful here.”

  — Edna St. Vincent Millay